Luis Seoane e a Galicia medieval

Prologado por Díaz Pardo e profusamente ilustrado, o libro explora a idea que o xenio de Seoane foi construíndo da Galicia medieval -a través de personaxes como soldadeiras, clérigos, xograres, peregrinos e labradores- e as pegadas que esa representación imaxinaria deixou na súa obra artística e literaria. “Aínda que entendedor da historia de Galicia e admirador da Idade Media galega”, a súa defensa do pobo como protagonista da historia, a reivindicación dos caudillos e personaxes populares que aparecen ao longo dunha inxente obra pluridisciplinar “fan de Seoane unha figura realmente singular”, asegurou a autora.